Pork barrel i-abolish ba o hindi?

Nakakalungkot para sa ating mga institusyon ng pamahalaan at sa ating bansa ang napabalitang diumano’y paglulustay ng pondo ng Priority Development Assistance Fund (PDAF) o mas kilala sa pangalan na pork barrel sa halagang P10 bilyong piso.

Dahil dito ay umigting ang panawagan na ibasura na ang pork barrel ng mga kongresista at senador dahil sa hindi wastong paggamit ng nasabing pondo. Lubos nating naiintindihan ang panawagan na ito at ang sentimyento kontra sa PDAF.

Kung hindi rin lang matitiyak na ga­gamitin sa maayos na paraan ang PDAF, mas mainam na ibasura na ito. Ngunit ang pagbasura sa PDAF ay isang hakbang lamang para sa pangontra sa tiwali at pang-aabuso sa pondo ng gobyerno.

Sabi nga nila, maraming paraan upang gumawa ng kalokohan o pang-aabuso kung talagang desidido ang isang opisyal ng pamahalaan na gatasan ang gobyerno. 

Naalala ko tuloy nu’ng naging maigting ang kampanya laban sa jueteng at napatigil ito sa ilang mga lugar (kahit pansamantala lamang), umusbong naman ang bagong iligal na sugal na ‘loteng’. Ganu’n din ang pagbasura sa pork barrel.

Hahanap at hahanap ang mga tiwali ng paraan hangga’t makakalusot ang mga ito at gagawa ng paraan upang kumita dahil wala namang napaparusahan.

Simpleng tanong lamang: Bakit nariyan pa rin ang jueteng? Ang sagot ay tanong din: May nakita na ba kayong jueteng lord o pulis na nakulong dahil sa jueteng? Hangga’t hindi napaparusahan ang mga ito, tuloy ang ligaya ‘ika nga.

Ang nais nating bigyan-diin ay habang tama ang usapin na i-abolish ang pork barrel kung hindi rin lang ito maiimplementa ng tama, hindi matatapos ang pang-aabuso sa pondo ng gobyerno ng mga sindikato na kasabwat ang mga opisyal ng gobyerno hangga’t walang napaparusahan o nasesentensyahan ng pagkakakulong. Bilyon diumano ang nalustay.

Matitigil lamang ang paglulustay kung ang mga nagkasala ay maparusahan sa mabilis at patas na paglilitis. 

Mabalik tayo sa usapin ng pag-abolish sa pork barrel. Uulitin natin ang ating posisyon. Kung hindi rin lang matitiyak na magagamit ang pondo sa maayos at sa ligal na paraan, kung ito ay aabusuhin lamang, mas mainam na ibasura na ito.

Marahil may magsasabi na kaya lamang natin sinasabi ito ay dahil wala na tayo sa Senado at tapos na ang ating termino.

Kung tutuusin sa 12 taon natin sa Senado ay halos anim na taon sa ila­lim ng panunungkulan ni dating Pangulong Gloria Arroyo ay wala tayong PDAF.

Ito ay dahil sa pagkontra natin sa ilang tiwaling mga gawain sa administrasyon ni GMA mula 2005 hanggang 2010. Hindi pumayag si GMA na i-release ang alokasyon ng PDAF sa ating tanggapan. Kaya kung tutuusin matagal ding ‘abolished’ sa amin ang PDAF. 

Sa loob ng halos anim na taon, hindi tayo nakapaglaan ng pondo mula sa pork barrel dahil walang alokasyon na na-release sa ating tanggapan at ito ay dahil sa mga kaalyado lamang ni GMA napunta ang PDAF nu’ng panahon n’ya.

Subalit tayo naman ay nahalal muli nu’ng 2007 at bilang indipendyente. Kaya kung ako ang tatanungin, hindi naman kailangan ang pork barrel upang mahalal ang isang opisyal kaya hindi ka na rin magtataka bakit nga ba masyadong atat ang iba dito? Kayo na ang humusga.  

Ang pinakamalungkot sa lahat ay mga bogus na organisasyon ng mga magsasaka pa ang ginamit. Sa ngalan ng mga magsasaka ang naging modus operandi ng mga sindikatong ito. Kung sino pa ang pinaka-api at pinaka-mahirap, ang ating mga magsasaka, ‘yun pa ang ginamit na sektor. 

Sa huling banda, kung hindi maipapatupad ng tama ang PDAF ay dapat lang na ibasura na ito at dagdag dito upang hindi na rin umusbong pa ang iba pang paraan ng pang-aabuso at paglulustay sa pondo ng gobyerno mula sa mga ganid at mga walang pusong mapagsamantala ay dapat maparusahan ang mga nagkasala at hindi mabaon sa limot o sa kupad ng pag-ikot ng hustisya ang iskandalo na ito.

‘Yan naman ay opinyon lamang natin bilang pribadong indibidwal... o s’ya, mabalik na nga sa pag-aararo sa bukid!

Genuine leadership for our nation

Why have other nations in the region succeeded in ending poverty and raising the quality of life of their people? Why have they reached developed nation status while we have lagged behind? 

A major factor is the quality of the leadership and governance. While their leaders have placed the interest of the nation above their own, a menacing number of our own leaders, on the other hand, care little about the nation and our people and care more about expanding their own wealth and power.

For these power hungry and overly ambitious and corrupt politicians, the nation can go to hell for all they care. Do we allow these crooked politicians to decide where to bring our nation? Do we simply watch idly by as they bring our nation to hell? Will we simply watch and allow them to decide the nation's future? No we cannot. No we will not! For the sake of our children, we must do what we can and together with other like minded individuals and groups, we must help chart the course of the nation.

If we are to reach developed nation status in 15 years, we must ensure that the agenda of reform advocated by leaders with integrity, simplicity and selflessness continues and we can only do this if we elect leaders both in the national and local level who serve with integrity, ability and selflessness.

We must look ahead to the next decade and a half if we are to truly transform the nation and for us to do so, we must endeavor to ensure that the reforms and policy initiatives of the last 3 years will continue and be sustained so as to achieve continuity, stability and certainty in governance. This is critical if progress is to be realized. We must be able to look far ahead as we act from day to day.

Today, we must elect more leaders in the mold of our friend and ally, the late Sec. Jesse Robredo and after having elected them into office, we, as a people, must continue to engage our leaders and demand of them the kind of leadership we all aspire for in order to finally have a nation that is progressive, peaceful and focused on the welfare of its people, a nation that we all can be proud of.

May 13 is about where we wish to bring our nation. It is about doing our share to shape the kind of nation our children ought to have and deserve. Let us vote to continue to forge ahead in our tireless effort to achieve genuine change for our nation and our people.